Futbollistet e Kosovës e kanë vazhduar dominimin ndaj futbollisteve të Bullgarisë.
Të martën pasdite në Sofje, Kosova fitoi 3:1 ndaj Bullgarisë, në kuadër të kualifikimeve për Kupën e Botës 2027. Kosova tani i ka gjashtë fitore e një barazim në shtatë përballje me Bullgarinë.
Ishin bullgaret që kaluan në epërsi 1:0 në ndeshjen në Sofje. Aleksandra Yaneva realizoi në minutën e nëntë.
Në minutën e 15-të Kosova fitoi goditje nga këndi. Kapitenia Erëleta Memeti mori përgjegjësinë dhe gjuajti direkt në portë. Dhe topi gjeti cakun për 1:1. Memeti tani i ka pesë gola në ndeshjet ndaj Bullgarisë.
Menjëherë në minutën e 21-të, “Dardanet” kaluan në epërsi 2:1. Mbrojtësja Blerta Smaili shënoi me goditje të bukur me kokë.
